Կանադայի իշխանությունները կոչ են անում իրենց քաղաքացիներին անհապաղ լքել Իրանը՝ Հայաստանի կամ Թուրքիայի հետ ցամաքային սահմաններով։
«Պետք է անհապաղ լքեք Իրանը հենց հիմա, եթե դա անվտանգ է։ Շատ ավիաընկերություններ դադարեցրել են դեպի Իրան և Իրանից մեկնող չվերթները, բայց հնարավոր է անցնել սահմանը ցամաքով։ Հայաստանի և Թուրքիայի հետ ցամաքային սահմանները բաց են, և կանադական անձնագիր ունեցողներին վիզա պետք չէ այդ երկրներ մուտք գործելու համար», - ասվում է հայտարարության մեջ։
Օտտավան նշել է, որ Կանադայի հնարավորությունները Իրանում հյուպատոսական ծառայություններ մատուցելու համար ներկայումս չափազանց սահմանափակ են։
Ավելի վաղ նման հայտարարությամբ հանդես էր եկել ԱՄՆ Պետդեպարտամենտը։
