Կարեն Շահենի Շաքարյանը զրկվել է «Արցախի հերոս» բարձրագույն կոչումից։ Այս մասին ասված է Արցախի նախագահի պաշտոնակատար Աշոտ Դանիելյանի որոշման մեջ, որը հրապարակել է Արցախի տեղեկատվական շտաբը։
«Ղեկավարվելով «Արցախի Հանրապետության պետական պարգևների և պատվավոր կոչումների մասին» օրենքի 40-րդ հոդվածի 4-րդ մասով և հիմք ընդունելով Արցախի Հանրապետության Նախագահին առընթեր պետական պարգևների և պատվավոր կոչումների շնորհման հարցերի քննարկման խորհրդակցական հանձնաժողովի եզրակացությունը՝ որոշում եմ.
1․Կարեն Շահենի Շաքարյանին զրկել «Արցախի հերոս» բարձրագույն կոչումից:
2․Սույն հրամանագիրն ուժի մեջ է մտնում ստորագրման պահից»: Հիշեցնենք` Կարեն Շաքարյանը հունվարի 6–ին մասնակցել է վարչապետ Նիկոլ Փաշինյանի նախաձեռնությամբ տեղի ունեցած «ուխտերթին»։
Նշենք, որ բաց աղբյուրներում, այդ թվում և ՊՆ կայքում չկա տեղեկատվություն, թե, որ թվականին է Շաքարյանը նշանակվել ՊՆ վերահսկողական ծառայության պետ: Չկա նաև այդ նշանակումը հաստատող որևէ որոշում կամ հրամանագիր:
