Ի՞նչ իրավիճակ է Տավուշում․ հրդեհաշիջման աշխատանքները շարունակվում են

26.11 21:26 | Կատեգորիա Պատահարներ

Նոյեմբերի 26-ի՝ ժամը 21:00-ի դրությամբ, Ներքին գործերի նախարարության Փրկարար ծառայության հրշեջ-փրկարարական ստորաբաժանումները շարունակում են իրականացնել ինտենսիվ հրդեհաշիջման աշխատանքներ Տավուշի մարզում։ Այդ մասին հայտնում են ՀՀ Ներքին գործերի նախարարությունից․

«Հրդեհաշիջման աշխատանքներին ներգրավված են ՆԳՆ Փրկարար ծառայության մեծաթիվ ուժեր, պետական և համայնքային գերատեսչությունների աշխատակիցներ․ ներգրավված է նաև անհրաժեշտ տեխնիկա։

Հրդեհաշիջման գործողությունները կազմակերպվում և կառավարվում են տեղում ձևավորված օպերատիվ շտաբի կողմից։ Շտաբի ղեկավարումը իրականացնում է ՆԳՆ Փրկարար ծառայության տնօրեն-ՆԳ նախարարի տեղակալ Կամո Ցուցուլյանը։ Տեղում ՆԳ նախարարի մամուլի քարտուղար, ՆԳՆ հանրային հաղորդակցության և իրազեկման վարչության պետ Նարեկ Սարգսյանը համակարգում և իրականացնում է լրատվամիջոցների հետ հաղորդակցությունը՝ ներկայացնելով օպերատիվ տեղեկատվություն և ընթացիկ զարգացումները։

Օպերատիվ և համակարգված միջոցառումների հետևանքով ամբողջությամբ մարվել են՝Շիրակի մարզի Ձորաշեն բնակավայրի, Գեղարքունիքի մարզի Ճամբարակ–Թթուջուր ճանապարհահատվածի, Սյունիքի մարզի Վերին Հանդ բնակավայրի, Տավուշի մարզի Դիլիջանի «Կազաչի» հատվածի հրդեհները։ Տավուշի մարզի Նավուր համայնքի տարածքում հրդեհը մեկուսացվել է։

Դիլիջանի ոլորանների և «Լեռնային Հայաստան» առողջարանի մոտակա անտառային հատվածներում, շարունակվում են ինտենսիվ հրդեհաշիջման աշխատանքները։ Հիմնականում այրվել է խոտածածկ և բուսածածկ տարածք, ջերմահարվել են ծառեր:

Այս պահին աշխատանքները լիարժեք վերահսկվում են, և իրականացվող միջոցառումները կշարունակվեն մինչև բոլոր հրդեհային օջախների ամբողջական մարում։

Ցավով հայտնում ենք, որ լայնածավալ գործողությունների ընթացքում՝ ծառայողական պարտականությունները կատարելիս, տեղի է ունեցել դժբախտ պատահար․ զոհվել է հրշեջ-փրկարար, փրկարար ծառայության սերժանտ Տարոն Սիմոնյանը։ Եվս չորս ծառայող շարունակում են ստանալ անհրաժեշտ բժշկական օգնություն։ Ներքին գործերի նախարարությունն իր խորին ցավակցությունն է հայտնում զոհված ծառայողի ընտանիքին, հարազատներին և ծառայակիցներին։

Հանրությանը կրկին հորդորում ենք խստորեն պահպանել հրդեհային անվտանգության կանոնները, լինել զգոն և ցանկացած հրդեհի կամ ծխի դեպք նկատելու դեպքում անմիջապես զանգել 911։

Նշենք, որ պարբերաբար թարմացված տեղեկատվությունը հասանելի է Ներքին գործերի նախարարության փրկարար ծառայության պաշտոնական հարթակներում»։

Ամենաշատ կարդացվածներ

Շանտաժ, կաշառք, պաշտոնի խոստում և ոչինչ չի կարելի փոխել արժանապատվության հետ․ Տեր Զարեհը՝ Գևորգ Սրբազանին

23.11 23:32 | Կատեգորիա Մտքեր

Եպիսկոպոսները վտանգավոր հայտարարություն կհնչեցնեն․ Գրիգոր Լուսավորիչ եկեղեցում պատարագ կբեմադրեն (տեսանյութ)

24.11 19:01 | Կատեգորիա Քաղաքական

Ուկրաինան համաձայնել է Թրամփի առաջարկած խաղաղության պայմանագրին

25.11 18:41 | Կատեգորիա Համաշխարհային

Մարադոնան գիտակցում էր Սիմոնյանի մեծությունը․ ԱԱ-2018-ի վարողի հուզիչ հիշողությունը

24.11 17:53 | Կատեգորիա Սպորտ

Տասնյակ հասցեներում ջուր չի լինի՝ նոյեմբերի 25-ին և 26-ին

24.11 00:04 | Կատեգորիա Հասարակություն

Մերցը քննադատել է ԱՄՆ-ի կողմից G20 գագաթնաժողովի բոյկոտը

23.11 23:06 | Կատեգորիա Համաշխարհային

Եվրոպայում հայտարարել են՝ Ռուսաստանին կհաղթեին, եթե այն միջուկային զենք չունենար

25.11 17:42 | Կատեգորիա Եվրոպա

Տաշիր քաղաքի Ջահուկյան փողոցում գտնվող գործարանի պահեստային տարածքում բռնկված հրդեհի հետևանքով այրվել է 6 կապոց մալուխի հումք

24.11 23:31 | Կատեգորիա Պատահարներ

ԵՄ-ն կարող է զրկվել Ուկրաինայի բանակցություններից․ Էրդողանը նշել է Ուկրաինայի կարգավորման պայմանները (տեսանյութ)

24.11 19:32 | Կատեգորիա Հասարակություն

ՈՒՂԻՂ