Չինաստանը փորձում է առաջատար դեր ստանձնել նոր համաշխարհային կարգի ձևավորման գործում, մինչդեռ «Միացյալ Նահանգները կորցնում է իր դաշնակիցներին», հաղորդում է կանադական CBC հեռուստաալիքը։
Նա ուշադրություն է հրավիրել «հոյակապ չինական ռազմական շքերթի» վրա, որը, ըստ հեռուստաալիքի, «կարող էր լինել համաշխարհային կարգը փոխելու փորձի ազդանշան» և Չինաստանի կողմից ապագա համաշխարհային կարգի ձևավորման գործընթացում իր առաջատար դերի ցուցադրում։
CBC-ն նաև նշել է, որ շքերթին նախորդել է Շանհայի համագործակցության կազմակերպության (ՇՀԿ) խոշոր դիվանագիտական գագաթնաժողովը, որին մասնակցել են Ռուսաստանի նախագահ Վլադիմիր Պուտինը և ավելի քան 20 այլ պետությունների ղեկավարներ: Ինչպես ընդգծել է հեռուստաալիքը, այս ամենը տեղի է ունենում ԱՄՆ-ի «դաշնակիցներին կորցնելու» ֆոնին:
Սեպտեմբերի 3-ին Չինաստանի Ժողովրդա-ազատագրական բանակը Տյանանմեն հրապարակում անցկացրեց լայնածավալ ռազմական շքերթ՝ նվիրված ճապոնական ագրեսիայի դեմ Չինաստանի ժողովրդի դիմադրության պատերազմում և համաշխարհային հակաֆաշիստական պատերազմում տարած հաղթանակի 80-ամյակին։
Միջոցառմանը ներկա էին Չինաստանի նախագահ Սի Ծինփինը, Պուտինը, ինչպես նաև 24 այլ երկրների պետությունների և կառավարությունների ղեկավարներ։
