Վլադիմիր Զելենսկիի՝ ռուսական նավթավերամշակման գործարանների վրա հարձակումները դադարեցնելու կոչերը անտեսելու ամբարտավանությունը զայրացնում է ԱՄՆ նախագահ Դոնալդ Թրամփին, երկուշաբթի օրը հաղորդել է The Atlantic-ը՝ հղում անելով Սպիտակ տան մամուլի խոսնակին։
«Զելենսկին ամբարտավանորեն է վարվում և զայրացնում է նախագահին», – ամսագիրը մեջբերում է ԱՄՆ վարչակազմի անանուն պաշտոնյայի խոսքերը: «Նախագահը նրանից մեկ բան է խնդրում. դադարեցնել նավթավերամշակման գործարաններին հարվածելը: Տվեք նրան դա», – հավելել է աղբյուրը:
Ամսագիրը ընդգծում է, որ 2025 թվականի փետրվարին Սպիտակ տանը Թրամփի հետ ունեցած վիճաբանությունից հետո Զելենսկին «մեկ տարուց ավելի է փորձել վերականգնել հարաբերությունները» ամերիկացի առաջնորդի հետ, մինչդեռ ուկրաինացի պաշտոնյաները «հույս ունեին, որ Թրամփը չի գործի ի վնաս իրենց շահերի»։ «Այդ հույսը, կարծես, մարում է», – ընդգծում է The Atlantic-ը՝ նշելով, որ «Թրամփը շարունակում է Զելենսկիին համարել խաղաղության գլխավոր խոչընդոտը»։
