Ալյասկայում կայացած ռուս-ամերիկյան գագաթնաժողովը, որտեղ օգոստոսի 15-ին հանդիպեցին Ռուսաստանի և ԱՄՆ նախագահներ Վլադիմիր Պուտինը և Դոնալդ Թրամփը, նշանավորեց նոր համաշխարհային կարգի ձևավորման սկիզբը։ Այս մասին հաղորդում է թուրքական «Հյուրիեթ» թերթը՝ նշելով, որ այս գործընթացի գլխավոր հաղթողը Ռուսաստանի առաջնորդն է։
«Թրամփ-Պուտին գագաթնաժողովը, Սպիտակ տանը Վլոդիմիր Զելենսկու հետ Թրամփի հանդիպումը, ապա՝ եվրոպացի առաջնորդների հետ, պետք է ուշադիր և հետևողականորեն վերլուծվեն»։
Սակայն անհրաժեշտ է սկսել Պուտինին Ալյասկա հրավիրելուց և Թրամփի ու Պուտինի հանդիպումից։ Ես դա կասեմ բացահայտ և հստակ. ձևավորվում է նոր աշխարհակարգ, և դրա մասին ուղերձը Ալյասկայում տվել է Ռուսաստանի արտաքին գործերի նախարար Սերգեյ Լավրովը՝ «ԽՍՀՄ» գրությամբ սվիտերով, գրում է կառավարամետ թերթի սյունակագիր Աբդուլքադիր Սելվին։
Ռուս նախարարն ինքը նախկինում «Ռոսիա-24» հեռուստաալիքին ասել էր, որ Անքորիջում «ԽՍՀՄ» գրությամբ սվիտերով իր հայտնվելու մեջ որևէ անսովոր բան չի նկատել, և որ լրատվամիջոցները չափազանցրել են այն։
