Պաղեստինյան ՀԱՄԱՍ շարժման պատվիրակությունը Կահիրեում հանդիպել է Իսրայելի հետ հակամարտության միջնորդների հետ և ստացել Գազայի հատվածում հրադադարի նոր առաջարկ, հաղորդում է Agence France-Presse (AFP)-ն՝ հղում անելով անանուն պաղեստինցի պաշտոնյայի։
«ՀԱՄԱՍ-ի պատվիրակությունը եգիպտացի և կատարցի միջնորդներից ստացել է հրադադարի նոր առաջարկ», - ասել է նա։
Գործակալության աղբյուրի խոսքով՝ «առաջարկը ներկայացնում է շրջանակային համաձայնագիր՝ երկարաժամկետ հրադադարի շուրջ բանակցություններ սկսելու համար»։
AFP-ի փոխանցմամբ՝ համաձայնագրի նախագիծը ներառում է ԱՄՆ-ի կողմից նախկինում առաջարկված կետեր, մասնավորապես՝ 60-օրյա հրադադար և պատանդների ազատ արձակում երկու փուլով։ ՀԱՄԱՍ-ի ղեկավարությունը կքննարկի առաջարկվող տարբերակը և որոշում կկայացնի։
