ԱՄՆ նախագահ Դոնալդ Թրամփը հայտարարել է, որ Միացյալ Նահանգները երբեք չի մոռանա, որ ՆԱՏՕ-ի իր դաշնակիցները հրաժարվեցին օգնել իրենց Իրանի հետ հակամարտության ժամանակ։ «Մենք օգնություն խնդրեցինք Իրանի հարցում, մեզ մոտ դրա կարիքը չկար, բայց ես ուզում էի ստուգել մեր դաշնակիցներին և տեսնել, թե արդյոք նրանք կօգնեն, քանի որ մենք այդքան շատ գումար ենք ծախսում ՆԱՏՕ-ի վրա։
Մենք օգնություն խնդրեցինք, և նրանք պատրաստ չէին օգնել։ Մենք երբեք չենք կարող մոռանալ դա։ Մենք տարեկան միլիարդավոր դոլարներ ենք ծախսում ՆԱՏՕ-ի վրա՝ նրանց պաշտպանելու համար, բայց երբ մենք օգնություն խնդրեցինք, նրանք ասացին ոչ», – ասել է Թրամփը Քանզասում կայացած հանրահավաքի ժամանակ։
Վաշինգտոնը նախկինում բազմիցս քննադատել է ՆԱՏՕ-ի եվրոպական դաշնակիցների գործողությունները Իսլամական Հանրապետության դեմ հակամարտության ժամանակ։
