Ռուսաստանը և Միացյալ Նահանգները դեռ երկար ճանապարհ ունեն անցնելու, բայց կողմերը առաջընթաց են գրանցել Ալյասկայում կայացած գագաթնաժողովի ժամանակ, հայտարարել է ԱՄՆ պետքարտուղար Մարկո Ռուբիոն «Առաջին ալիք»-ին տված մեկնաբանության մեջ՝ ԱՄՆ և Ռուսաստանի առաջնորդներ Դոնալդ Թրամփի և Վլադիմիր Պուտինի միջև Անքորիջում կայացած բանակցություններից հետո։
«Մենք դեռ երկար ճանապարհ ունենք անցնելու, բայց առաջընթաց ենք գրանցել», - ասել է նա։
Հարցին, թե արդյոք Ալյասկայի բանակցությունների արդյունքները խթան են Ուկրաինայում խաղաղության գործընթացին, Ռուբիոն պատասխանել է.
«Մենք հույս ունենք, որ այդպես է, այդ պատճառով էլ հանդիպեցինք»։
Պետքարտուղարը չի նշել, թե երբ է սպասվում Ռուսաստանի և Միացյալ Նահանգների առաջնորդների միջև հաջորդ հանդիպումը, սակայն հույս է հայտնել, որ դա շուտով տեղի կունենա։
