Իսրայելական բանակի հատուկ նշանակության ստորաբաժանումը մտել է Սիրիայի հարավում գտնվող Ալ-Կունեյտրա նահանգի տարածք և մաքրել է Տարանջա գյուղը, հաղորդում է «Սիրիա» հեռուստաալիքը։
Նրա խոսքով՝ գործողությանը մասնակցել է բանակի առնվազն 100 հատուկ նշանակության ջոկատի զինվոր։ Զինծառայողները ուշադիր զննել են տներն ու շենքերը՝ զենքի և զինամթերքի թաքստոցներ փնտրելու համար։ Այս վայրերում նախկինում գործել են պաղեստինյան արմատական խմբավորումների և իրանամետ շիական խմբավորումների անդամներ։
Ինչպես հաղորդել է հեռուստաալիքը, գործողության ավարտից հետո իսրայելական ստորաբաժանումը գերի է վերցրել տեղի բնակիչներից մեկին և լքել Սիրիայի տարածքը։
Shafaq News-ի փոխանցմամբ՝ վերջին մեկ ամսվա ընթացքում Սիրիայի հարավում գտնվող Ալ-Կունեյտրա և Դարաա նահանգների բնակավայրեր են գրանցվել Իսրայելի կողմից իրականացված 22 ներխուժման դեպքեր, որոնց ընթացքում զոհվել է մեկ քաղաքացիական անձ, ևս 13-ը ձերբակալվել են, իսկ մի քանի տներ ավերվել են։
