Իսրայելի վարչապետ Բենիամին Նեթանյահուն և ԱՄՆ նախագահ Դոնալդ Թրամփը հեռախոսազրույց են ունեցել, որի հիմնական թեման եղել է հրեական պետության հետագա գործողությունների ծրագրերը Գազայի հատվածի վերաբերյալ, հայտնում է Իսրայելի վարչապետի գրասենյակը։
Այդ հայտարարության համաձայն՝ Նեթանյահուն և Թրամփը «քննարկել են Իսրայելի ծրագրերը՝ գրավելու Գազայի հատվածում ՀԱՄԱՍ-ի մնացած հենակետերը՝ պատերազմը դադարեցնելու, պատանդներին ազատելու և ՀԱՄԱՍ-ին հաղթելու համար»։
«Վարչապետը շնորհակալություն հայտնեց նախագահ Թրամփին պատերազմի սկզբից ի վեր Իսրայելին ցուցաբերած շարունակական աջակցության համար», – հավելել է գրասենյակը։Այս շաբաթվա սկզբին Իսրայելի ռազմական կաբինետը հաստատեց Նեթանյահուի ծրագիրը՝ ամբողջ Գազա քաղաքի վերահսկողությունը ստանձնելու և գործողությունը պաղեստինյան անկլավում ընդլայնելու վերաբերյալ։
