«Լիվերպուլը» 4:1 հաշվով հաղթանակ տարավ իսպանական «Աթլետիկ Բիլբաոյի» նկատմամբ ընկերական հանդիպման շրջանակում։ Խաղը կայացավ օգոստոսի 4-ին Լիվերպուլի «Էնֆիլդ» մարզադաշտում։
«Կարմիրների» կազմում գոլեր խփեցին Ռիո Նգումոհան (2-րդ րոպե), Դարվին Նունյեսը (5-րդ րոպե) և Հարվի Էլիոտը (58-րդ րոպե), իսկ 42-րդ րոպեին «Աթլետիկի» դարպասապահ Ալեքս Պադիլյան ինքնագոլ գրանցեց։ Իսպանական թիմի միակ գոլը խփեց Գորկա Գուրուսետան՝ 76-րդ րոպեին։
20-րդ րոպեին խաղը կարճ ժամանակով ընդհատվեց՝ ի հիշատակ Դիոգու Ժոտայի և նրա եղբոր՝ Անդրե Սիլվայի, ովքեր զոհվել էին հուլիսի 3-ին Իսպանիայում տեղի ունեցած ավտովթարի հետևանքով։ Ժոտան, որը «Լիվերպուլում» հանդես էր գալիս 20 համարի մարզաշապիկով, և նրա եղբայրը՝ Անդրե Սիլվան, որը խաղում էր Պորտուգալիայի երկրորդ դիվիզիոնի «Պենաֆիել» ակումբում, հարգանքի տուրք ստացան խաղադաշտում։
Այսօր՝ օգոստոսի 4-ին, Երևանի ժամանակով 23:00-ին, թիմերը կանցկացնեն ևս մեկ ընկերական հանդիպում։
«Լիվերպուլը» նոր մրցաշրջանը կսկսի օգոստոսի 10-ին՝ Սուպերգավաթի խաղում «Քրիսթալ Փելասի» դեմ։
