Չինաստանի արտաքին գործերի նախարարությունը որևէ տեղեկություն չունի հաջորդ շաբաթ կայանալիք Չինաստան-ԵՄ գագաթնաժողովի մասին, հայտարարել է արտաքին գործերի նախարարության խոսնակ Լին Ցզյանը։
«Այս պահին ես որևէ տեղեկություն չունեմ, որը կարող եմ տրամադրել», - ասել է նա ճեպազրույցի ժամանակ՝ պատասխանելով արևմտյան լրագրողի հարցին, որը խնդրել էր նրան հաստատել, որ միջոցառումը տեղի կունենա հաջորդ շաբաթ։
Հունիսին եվրոպական Politico հրատարակությունը, հղում անելով դիվանագիտական աղբյուրներին, հաղորդել էր, որ ԵՄ-Չինաստան գագաթնաժողովը տեղի կունենա Պեկինում հուլիսի 24-25-ը և կհամընկնի չին-եվրոպական դիվանագիտական հարաբերությունների 50-ամյակի հետ։
