Սիրիայի ինքնիշխանությունը պետք է հարգվի, և Մերձավոր Արևելքում անկայունության համատեքստում չպետք է ձեռնարկվեն սրացման գործողություններ, հինգշաբթի օրը ճեպազրույցի ժամանակ հայտարարել է Չինաստանի արտաքին գործերի նախարարության խոսնակ Լին Ցզյանը։
«Սիրիայի ինքնիշխանությունն ու տարածքային ամբողջականությունը պետք է հարգվեն, հատկապես Մերձավոր Արևելքում շարունակվող անկայունության ներկայիս իրավիճակում, չպետք է ձեռնարկվեն որևէ գործողություններ, որոնք կարող են ավելի սրել իրավիճակը»,- ասել է Լին Ցզյանը։
Երեքշաբթի օրը Սիրիայի պաշտպանության նախարարությունը հայտարարեց Սուվեյդա քաղաք զորքեր տեղակայելու մասին, որտեղ հիմնականում բնակվում է դրուզ բնակչություն: Գործողության նպատակը հայտարարվել էր քաղաքը մաքրել անօրինական զինված խմբավորումներից: Քաղաքի կենտրոնում շարունակվում են կատաղի մարտերը:
