Թուրքիայի խորհրդարանը բանաձև է ընդունել, որով խստորեն դատապարտում է Իսրայելի հարձակումները Սիրիայի վրա և հայտարարում է Սիրիայի ժողովրդի աջակցության մասին։
«Մենք ամենախիստ կերպով դատապարտում ենք Իսրայելի կողմից Սիրիայի, այդ թվում՝ Դամասկոսի վրա կատարված նողկալի հարձակումները։ Մենք վերահաստատում ենք մեր աջակցությունը սիրիացի ժողովրդին։Իսրայելը, խախտելով ՄԱԿ-ի կանոնադրությունը և միջազգային իրավունքի նորմերն ու սկզբունքները, բացահայտորեն խախտում է Սիրիայի տարածքային ամբողջականությունը։
Նրա նոր ագրեսիան նպատակ ունի շեղել ուշադրությունը պաղեստինյան ժողովրդի դեմ իր կողմից իրականացվող ցեղասպանությունից դեպի Սիրիան և ամբողջ տարածաշրջանը ապակայունացնելը։ Միջազգային հանրության լռությունը խրախուսում է Իսրայելի այս անօրինական և անխոհեմ ագրեսիան», – նշվում է փաստաթղթում։
Չորեքշաբթի օրը իսրայելական բանակը հայտարարել էր, որ հարված է հասցրել Դամասկոսում գտնվող Սիրիայի գլխավոր շտաբի համալիրին, այն բանից հետո, երբ Իսրայելի պաշտպանության նախարար Իսրայել Կացը զգուշացրել էր, որ Իսրայելը կշարունակի հարվածել Սիրիային, եթե իշխանությունները չհեռացնեն իրենց զորքերը դրուզներով բնակեցված հարավային Աս-Սուվեյդա քաղաքից։
