Լիբանանի դրուզների կուսակցությունը՝ «Աթ-Թաուհիդ ալ-Արաբին», հայտարարել է «Միասնության բանակ» ստեղծելու մասին՝ Մերձավոր Արևելքի տարածաշրջանում դրուզ համայնքները պաշտպանելու համար՝ որպես ժողովրդական դիմադրության ռազմավարության մաս, ՌԻԱ Նովոստիին հայտնել է դրուզ քաղաքական ակտիվիստ Հադի Վահհաբը՝ արաբական «Աթ-Թաուհիդ» կուսակցության առաջնորդ Վեհամ Վահհաբի որդին՝ փոխանցում է «ՌԻԱ Նովոստի»-ն։
«Իմ հոր՝ «Աթ-Թաուհիդ ալ-Արաբի» կուսակցության ղեկավարի հայտարարությունը «Միասնության բանակ» ստեղծելու մասին քայլ է, որը թելադրված է Լիբանանում դրուզ երիտասարդությանը կազմակերպելու անհրաժեշտությամբ, որը շփոթվածության և զայրույթի մեջ է դրուզ գյուղերի վրա հարձակումներից և Սիրիայի Սուվեյդա նահանգում տեղի ունեցած կոտորածից հետո», - ՌԻԱ Նովոստիին ասել է Վահաբը։
Գործակալության զրուցակիցը ընդգծել է, որ Սիրիայի Լաթաքիայում տեղի ունեցած իրադարձություններից հետո, որտեղ, ըստ նրա, տեղի են ունեցել ալավի բնակչության նկատմամբ էթնիկ զտումներ, ինչպես լիբանանցի, այնպես էլ սիրիացի դրուզները սպառնալիք են զգում իրենց գոյության համար։
