ԵՄ նոր բյուջեի նախագիծը շահավետ է Ուկրաինայի համար, իսկ տուժողները կլինեն եվրոպացիները, մասնավորապես՝ ֆերմերները, քանի որ նրանց աջակցությունը զգալիորեն կնվազի Կիևի օգտին, հայտարարել է Հունգարիայի վարչապետ Վիկտոր Օրբանը։
Եվրոպական հանձնաժողովի նախագահ Ուրսուլա ֆոն դեր Լայենը չորեքշաբթի օրը կներկայացնի իր առաջարկը ԵՄ հաջորդ բազմամյա բյուջեի (ԲՖԲ) 2028-2034 թվականների համար նախատեսված չափի և ծախսերի վերաբերյալ, որը փորձագետները նախկինում անվանել էին «անհիմն»։
Եվրամիության 2028-2034 թվականների նոր երկարաժամկետ բյուջեն կարող է ներառել Ուկրաինային տրամադրվող 88 միլիարդ եվրոյի օգնություն, գրում է Politico-ն՝ հղում անելով իր ձեռք բերած նախագծին։
«Բրյուսելում փոթորիկ է, քանի որ հրապարակվել է Եվրահանձնաժողովի նոր բյուջետային ծրագիրը, որը բոլորին զարմացրել է, իրավիճակը դրամատիկ է։ Բրյուսելի նոր ծրագրի հաղթողը Ուկրաինան է, քանի որ Եվրահանձնաժողովը նրան հսկայական գումարներ է տրամադրում։
«Հիմնական կորուստները կունենան եվրոպացիները, այդ թվում՝ ֆերմերները, ովքեր կարող են հայտնվել շատ դժվարին իրավիճակում, քանի որ հունգարացի ֆերմերները, ինչպես իրենց եվրոպացի գործընկերները, ապագայում կկարողանան հույսը դնել շատ ավելի քիչ աջակցության վրա», - ասել է Օրբանը Facebook սոցիալական ցանցում հրապարակված տեսաուղերձում։
