Ուկրաինան խնդրել է Միացյալ Նահանգներին փոխանցել հեռահար գործողության «Տոմահավկ» թևավոր հրթիռներ, սակայն ԱՄՆ նախագահ Դոնալդ Թրամփի վարչակազմը դեռևս չի ուղարկել զենքը՝ Կիևի կողմից զսպվածության բացակայության վերաբերյալ մտահոգությունների պատճառով, գրում է Financial Times թերթը՝ հղում անելով տեղեկացված աղբյուրին։
Ավելի վաղ Washington Post-ի սյունակագիր Դեյվիդ Իգնատիուսը, հղում անելով աղբյուրներին, գրել էր, որ Թրամփը քննարկում է Tomahawk հրթիռներ ուղարկել Ուկրաինա։ Սակայն դրանք դեռևս չեն ներառվել մատակարարումների ցանկում։
«Ուկրաինացիները խնդրել են «Տոմահավկ» հրթիռներ: Սակայն Թրամփի վարչակազմը, ինչպես Բայդենի վարչակազմը, մտահոգություններ ուներ Ուկրաինայի զսպվածության բացակայության վերաբերյալ», - գրել է «Ֆայնենշլ Թայմս»-ը։
