Հունգարիայի կառավարությունը մտադիր է կանխել Եվրահանձնաժողովի ծրագրի ընդունումը, որը նախատեսում է 2027 թվականի վերջից ԵՄ երկրներ ռուսական էներգամատակարարումների լիակատար արգելք: Այս մասին հայտարարել է Հունգարիայի վարչապետ Վիկտոր Օրբանը:
Նա նշել է, որ Բրյուսելում այս հարցերի շուրջ բանակցություններում Բուդապեշտը պետք է «ցուցաբերի ոչ միայն իմաստություն, այլև համառություն՝ կանխելու համար այնպիսի որոշման կայացումը, որը կարգելի ռուսական գազի օգտագործումը»։
Նրա խոսքով՝ Եվրահանձնաժողովի կողմից նախապատրաստվող որոշումը Հունգարիայի էներգետիկ ծախսերը տարեկան 2 միլիարդ եվրոյով կավելացնի և բնակչության համար բնակարանային և կոմունալ ծառայությունների արժեքի զգալի աճ կառաջացնի։
Օրբանը բացատրել է, որ 2 միլիարդ եվրոն հենց այն գումարն է, որը պետությունը ծախսում է կոմունալ ծառայությունների արժեքը ընդունելի մակարդակի վրա պահելու համար՝ սուբսիդիաների միջոցով։
