Գազայի հատվածում վերջին 24 ժամվա ընթացքում Իսրայելի հարվածների հետևանքով առնվազն 57 պաղեստինցի է զոհվել։
Այս մասին հայտնել է անկլավի առողջապահության նախարարությունը։
Գործակալության տվյալներով՝ Գազայի հատվածին իսրայելական զորքերի հասցրած հարվածների արդյունքում զոհվել է առնվազն 57, վիրավորվել՝ եւս 153-ը։
Հաղորդվում է նաև, որ ավելի վաղ մահացած 14 մարդու դիակները, որոնք դուրս են բերվել փլատակներից, տեղափոխվել են շրջանի հիվանդանոցներ։
Առողջապահության նախարարությունը պարզաբանել է, որ 2023 թվականի հոկտեմբերի 7-ից իսրայելական բանակի գործողությունների արդյունքում զոհվածների թիվը հասել է 52 314-ի, վիրավորվել՝ 117 792 մարդ։
