«Ժողովուրդ» օրաթերթը գրում է.
«ԲԴԽ նախկին նախագահ Կարեն Անդրեասյանի որոշումները ՍԴ-ն մեկը մյուսի հեւտեւից հակասահմանադրական է ճանաչում, սակայն SMS-ի արդյունքում ազատված Անդրեասյանը չկա:Իսկ ով պետք է պատասխան տա նրա՝ նախագահ լինելու ժամանակահատվածում կայացրած որոշումների համար։
Հիշեցնենք, որ Անդրեասյանի որոշումների արդյունքում դատավորներ են լքել համակարգը, և հիմա դրանք ՍԴ-ն հակասահմանադրական է ճանաչում:
Եվ այս տրամաբանությամբ կանխատեսելի է, որ ՄԻԵԴ-ից առաջիկայում լավ լուր չի գալու դատավորների դիմումների մասով, դրա համար էլ, մի քայլ առաջ ընկնելով, ԲԴԽ-ի որոշումները հակասահմանադրական է ճանաչում բարձր դատարանը:
Հիշեցնենք, որ լիազորությունները դադարեցրած դատավորները՝ Ալեքսեյ Սոքոյան,Զարուհի Նախշքարյան, Աննա Փիլոսյան,ԲԴԽ նախկին նախագահ Ռուբեն Վարդազարյան,Դատավոր Դավիթ Հարությունյան,Արթուր Ստեփանյան,Աննա Դանիբեկյան եւ այլք, դիմել են ՄԻԵԴ, որը դատավորների գանգատը ընդունել է վարույթ:
Ուշագրավն այն է, որ դատավորների գրեթե զգալի մասի գործերը միացվել ու քննվելու են մեկ վարույթում։ ՄԻԵԴ-ի այս որոշումը աննախադեպ է այն առումով, որ, ըստ էության, Եվրոպական դատարանը հասկացել է, որ կա խախտում, եւ առաջնահերթության սկզբունքով է քննելու լիազորությունները դադարեցրած դատավորների գործը։ Սա ենթադրել է տալիս՝ նոր «ապտակ» է սպասվում Բարձրագույն դատական խորհրդին։
Հավելենք, որ 2024 թվականի մայիսին Սահմանադրական դատարանը (ՍԴ), քննելով Երևան քաղաքի ընդհանուր իրավասության դատարանի դատավոր Դավիթ Հարությունյանի դիմումը, որոշել է, որ Բարձրագույն դատական խորհրդի (ԲԴԽ) որոշումը, որով դատավորի լիազորությունները դադարեցվել են, ենթակա է վերանայման։
Երեկ էլ հայտնի դարձավ, որ այլևս ոչ մի դատավորի լիազորություն ԲԴԽ-ն 5 կողմ ձայնով չի կարողանա դադարեցնել. ՍԴ-ն բավարարել է Արթուր Ստեփանյանի դիմումը՝ հայտնելով, որ վիճարկվող հոդվածի 6-րդ մասը հակասահմանադրական է»։
Առավել մանրամասն թերթի այսօրվահամարում
