Սիրիայի տապալված նախագահ Բաշար ալ Ասադի կինը՝ Ասման, դժգոհ է եղել մոսկովյան կյանքից և ամուսնալուծության հայց է ներկայացրել։ Այս մասին գրում է The Jerusalem Post-ը։
Լրագրողների տեղեկություններով՝ քաղաքական գործչի կինը դիմել է ռուսական դատարան և հատուկ թույլտվություն է խնդրել Մոսկվայից հեռանալու համար։ Այժմ իշխանությունները քննարկում են նրա դիմումը։ Հրատարակության տվյալներով՝ կինը պատրաստվում է վերադառնալ հայրենիք՝ Մեծ Բրիտանիա. նա ծնվել և մեծացել է Լոնդոնում։
Դեկտեմբերի 8-ի գիշերը ընդդիմադիր խմբերը գրավեցին Դամասկոսը։ Նախագահ Բաշար ալ-Ասադն ընտանիքի հետ մեկնել է երկրից, հայտնում է Reuters-ը։ Գործակալության տվյալներով՝ սիրիական բանակի հրամանատարությունը հայտարարել է, որ Ասադի իշխանությունը «ավարտվել է»։
