ԱՄՆ-ը մտադիր է Չինաստանի հետ կապի բաց ուղիներ պահպանել, որպեսզի երկու երկրների միջև մրցակցությունը չվերաճի ռազմական հակամարտության։ Այս մասին ասվում է ԱՄՆ պաշտպանության նախարարության՝ ամերիկյան Կոնգրեսի համար պատրաստված զեկույցում, փոխանցում է «ՌԻԱ Նովոստին»։
«Պաշտպանության նախարարությունը հավատարիմ է մնում ՉԺՀ-ի հետ կապի բաց ուղիների պահպանմանը՝ ապահովելու, որ մրցակցությունը չվերաճի հակամարտության: Ռազմական հաղորդակցության ուղիների նպատակները ներառում են ճգնաժամերի կանխարգելում, ռազմավարական և գործառնական ռիսկերի նվազեցում, կողմերի միջև թյուրիմացությունների վերացում»,- նշվում է փաստաթղթում։
Չինաստանի Ժողովրդական Հանրապետության (ՉԺՀ) նախագահ Սի Ծինփինը չի մասնակցի Դոնալդ Թրամփի նախագահի երդմնակալությանը Վաշինգտոնում։ Ակնկալվում է, որ հունվարի 20-ին նախատեսված միջոցառմանը կմասնակցեն ԱՄՆ-ում Չինաստանի դեսպանն ու նրա կինը: Դեսպանին կարող են միանալ նաև այլ պաշտոնյաներ Պեկինից, սակայն անձամբ Սի Ցզինպինը չի մասնակցի:
