Թուրքմենստանի նախագահ Սերդար Բերդիմուհամեդովն առաջին պաշտոնական այցով ժամանել է Մալայզիա։ Այս մասին հայտնում է TDH պաշտոնական պետական գործակալությունը։
Դրա տեղեկություններով՝ Բերդիմուհամեդովը ծրագրում է բարձր մակարդակի բանակցություններ։ Գործակալությունը նշում է, որ Թուրքմենստանը և Մալայզիան փոխադարձ հարգանքի ավանդույթների վրա հիմնված բարեկամական հարաբերություններ ունեն, որը հաջողությամբ զարգանում է միջազգային կազմակերպությունների շրջանակներում։
Նշվում է նաև, որ Ասիա-Խաղաղօվկիանոսյան տարածաշրջանի երկրների հետ կառուցողական հարաբերությունների զարգացումը Թուրքմենստանի արտաքին քաղաքականության առաջնահերթություններից է՝ հիմնված չեզոքության, խաղաղության, փոխշահավետ և հավասար համագործակցության սկզբունքների վրա աշխարհի բոլոր շահագրգիռ երկրների հետ։
