Չինաստանը մտահոգված է ուկրաինական հակամարտության հետ կապված միջուկային ռիսկերով և կրկնում է միջուկային զենքի կիրառման անթույլատրելիությունը։ Այս մասին հայտարարել է Չինաստանի ԱԳՆ պաշտոնական ներկայացուցիչ Մաո Նինգը՝ մեկնաբանելով առանձին ամերիկացի և եվրոպացի պաշտոնյաների՝ Ուկրաինա միջուկային զենքի վերադարձի քննարկման մասին տեղեկությունը։
«Չինաստանը խորապես անհանգստացած է ուկրաինական հակամարտության հետևանքով առաջացած միջուկային ռիսկերով և բազմիցս հայտարարել է, որ միջուկային զենք չպետք է օգտագործվի և միջուկային պատերազմ չպետք է սկսվի», - ասել է Չինաստանի ԱԳՆ խոսնակը։
Դիվանագետը նաև կոչ է արել բոլոր կողմերին «պահպանել հանգստություն և զսպվածություն և համատեղ նպաստել իրավիճակի լիցքաթափմանը երկխոսության և խորհրդակցությունների միջոցով՝ ուղղված ռազմավարական ռիսկերի նվազեցմանը»:
