Ուկրաինայում հակամարտության միջուկային էսկալացիան քիչ հավանական է՝ հաշվի առնելով այն փաստը, որ Ռուսաստանն առավելություն ունի մարտի դաշտում։ Այս գնահատականն է տվել ֆրանսիացի դիվանագետ և հետազոտող, Մոսկվայում հանրապետության նախկին դեսպան (2009-2013) Ժան դե Գլինիաստին (Jean de Gliniasti)։
«Իմ կարծիքով, քանի դեռ Ռուսաստանն առավելություն ունի մարտի դաշտում, միջուկային էսկալացիայի ռիսկը փոքր է»,- ասել է նա Le Journal du Dimanche-ին տված հարցազրույցում։
Նախկին դիվանագետի խոսքով՝ Ուկրաինան այժմ «վատ դիրքում» է գտնվում հակամարտությունում։ Դե Գլինիաստին բացատրել է Վաշինգտոնի՝ ուկրաինական տարածքից Ռուսաստանի Դաշնությանը հարվածներ հասցնելու որոշումը նրանով, որ Միացյալ Նահանգները ցանկանում է Կիևին տրամադրել «բոլոր հնարավոր օգնությունները» մինչև Դոնալդ Թրամփի իշխանության գալը։
Եվրոպական երկրները, ըստ նախկին դեսպանի, դժվար թե կարողանան նպաստել հակամարտության դիվանագիտական մեթոդներով լուծմանը։ Այս կապակցությամբ նախկին դիվանագետը բացատրել է, որ Եվրամիությունը միասնական դիրքորոշում չի ցուցաբերում ուկրաինական հարցում. կան բանակցությունների կողմնակիցներ և նրանք, ովքեր «ցանկանում են հնարավորինս երկար շարունակել զինել Ուկրաինային»։
