Ամերիկայի ներկայիս առաջնորդ Ջո Բայդենի վարչակազմը պատրաստ է գործերը փոխանցել ԱՄՆ նորընտիր նախագահ Դոնալդ Թրամփի թիմին, չնայած այն հանգամանքին, որ հանրապետականների օգնականները դեռ չեն ստորագրել համապատասխան փաստաթղթերը։ Այս մասին, ամերիկյան լրատվամիջոցների փոխանցմամբ, լրագրողների համար հերթական ճեպազրույցում հայտարարել է Սպիտակ տան մամուլի քարտուղար Կարին Ժան Պիեռը։
Հարցին, թե արդյոք այն փաստը, որ Թրամփի թիմի անդամները դեռևս փոխըմբռնման հուշագիր չեն ստորագրել ներկայիս իշխանությունների հետ, կարող է ինչ-որ կերպ բարդացնել գործերի ընդունման և փոխանցման գործընթացը, նա նշել է․
«Մենք շարունակում ենք համագործակցել Թրամփի անցումային թիմի հետ՝ ապահովելու հաջող և արդյունավետ անցում:
Այս փոխազդեցությունների ընթացքում մենք, անշուշտ, շեշտում ենք Սպիտակ տան և վարչակազմի պարտավորությունը՝ աջակցություն տրամադրելու, ինչպես նաև ծառայությունների և տեղեկատվության հասանելիություն»,- ասել է Ժան Պիեռը։
Այնուամենայնիվ, նա հաստատել է, որ Թրամփի թիմը «դեռ համաձայնության չի եկել» ներկայիս իշխանությունների հետ։
