Ամերիկյան Time ամսագիրը դեկտեմբերյան համարի շապիկին զետեղել է ԱՄՆ-ի նախագահական ընտրություններում Դոնալդ Թրամփին սատարած գործարար և միլիարդատեր Իլոն Մասկի լուսանկարը և նրա ձեռքբերումների ցանկը:
Ներկայացված ցուցակում խաչով նշված են արդեն իրականացված մտահղացումները՝ կարգավորել էլեկտրական մեքենաների արտադրությունը, դառնալ ամենահարուստ մարդը, գնել Twitter-ը, արձակել հրթիռ, այն վերադարձնել Երկիր, մարդու ուղեղում ներդնել չիպ, օգնել Թրամփին հաղթելու ընտրություններում, աշխատել Մար-ա-Լագո նստավայրից (Դոնալդ Թրամփի - խմբ.): X սոցիալական ցանցում Time ամսագրի էջում ներկայացված շապիկի վրա նշված է այսպիսի բովանդակությամբ գրառում. «Քաղաքացի Մասկ. Հաջորդիվ ի՞նչ կա նրա անելիքների ցանկում»:
Ըստ գրառման՝ Մասկի գործերից դեռևս անկատար են մնում երկուսը՝ պետբյուջեի ծախսերի կրճատումը երկու տրիլիոն դոլարով և թռիչքը դեպի Մարս:
Նշվում է, որ ամսագիրը վաճառքում հայտնվելու է դեկտեմբերի 9-ին։
Ավելի վաղ ԱՄՆ-ի նորընտիր նախագահ Դոնալդ Թրամփը հայտարարել էր, որ Մասկը և գործարար Վիվեկ Ռամասվամին գլխավորելու են պետական կառավարման արդյունավետության ապահովման նոր դեպարտամենտը (DOGE):
Մասկը բազմիցս է հայտարարել Դոնալդ Թրամփին աջակցելու մասին: Նա խոստացել է առնվազն երկու տրիլիոն դոլարով կրճատել ԱՄՆ-ի բյուջեի ծախսերը:
