«Սուրճը, ալկոհոլը, կծու և թթվային սնունդը կարող են գրգռել ստամոքսի լորձաթաղանթը և նպաստել թթվայնության բարձրացմանը։ Դատարկ ստամոքսին թունդ սուրճ օգտագործելը խթանում է ստամոքսահյութի արտադրությունը, ինչը կարող է հանգեցնել այրոցի։ Ալկոհոլն ավելի ագրեսիվ ազդեցություն է ունենում, իսկ կծու և թթվային սնունդը կարող է առաջացնել ստամոքսի գրգռվածություն», – բացատրում է մասնագետը։
Գազավորված ըմպելիքները կարող են ձգել ստամոքսի պատերը և նպաստել փքվածության ու այրոցի առաջացմանը։ Շատ սառը սնունդը կարող է սպազմ առաջացնել, իսկ ճարպոտ և տապակած սնունդը՝ դանդաղեցնել ստամոքսի դատարկումը։ Քաղցրավենիքի օգտագործումը կարող է հանգեցնել արյան շաքարի մակարդակի կտրուկ բարձրացման, որին որոշ դեպքերում հաջորդում են թուլությունն ու դյուրագրգռությունը, նշում է
Միրոնովան։ Ստամոքսի գրգռվածություն ունեցող մարդկանց բժիշկը խորհուրդ է տալիս առավոտյան առաջին սննդի ընդունման համար ընտրել վարսակի կամ բրնձի շիլա, թույլ եփած ձու, կաթնաշոռ, բանան, ջեռոցում պատրաստված խնձոր կամ ավոկադոյի տոստ։ Սուրճը, ըստ մասնագետի, ցանկալի է խմել միայն ուտելուց հետո։ Նախաճաշից առաջ կարելի է խմել նաև մեկ բաժակ տաք ջուր։
