Ռուսական կողմը Սև ծովում նավերին հարվածելու նախաձեռնողը չի հանդիսացել, իսկ Կիևը, թիրախավորելով խաղաղ օբյեկտները, բացել է Պանդորայի արկղը, հայտարարել է ՌԴ նախագահի մամուլի քարտուղար Դմիտրի Պեսկովը:
Դրանից առաջ ՌԴ արտգործնախարար Սերգեյ Լավրովը նշել էր, որ Սև ծովում հարձակումների վրա ռուս-ուկրաինական արգելք սահմանելու միջոցով հացահատիկային համաձայնագիրը վերականգնելու փորձերն անընդունելի են ու անիրատեսական:
«Ռուսաստանը (նավերին հարվածելու - խմբ.) նախաձեռնողը չի եղել: Ես ուզում եմ ձեզ հիշեցնել (Ռուսաստանի - խմբ.) նախագահ Պուտինի հայտարարությունը, ով ասաց, որ մենք հարվածներ չենք հասցրել: Միայն այն բանից հետո, երբ ուկրաինացիները սկսեցին հարվածներ հասցնել մեր խաղաղ ենթակառուցվածքների օբյեկտներին, տնտեսական օբյեկտներին: Այն ժամանակ նրանք բացեցին Պանդորայի արկղը», - լրագրողների հետ զրույցում ընդգծել է Պեսկովը:
