Մոսկվայի քաղաքապետ Սերգեյ Սոբյանինը հայտարարել է, որ վերջին մեկ օրվա ընթացքում Մոսկվայի ուղղությամբ արձակված ընդհանուր առմամբ 200 անօդաչու թռչող սարք է վնասազերծվել։
Այդ մասին նա հայտնել է MAX հարթակում իր պաշտոնական էջում։ Սոբյանինի խոսքով՝ դրանց մեծ մասը խոցվել է հակաօդային պաշտպանության ուժերի կողմից՝ մայրաքաղաքից զգալի հեռավորության վրա, իսկ 62 անօդաչու թռչող սարք ոչնչացվել է անմիջապես Մոսկվայի մատույցներում։
Միաժամանակ Սանկտ Պետերբուրգի նահանգապետ Ալեքսանդր Բեգլովը հայտնել էր քաղաքի ուղղությամբ անօդաչու թռչող սարքերի հարձակման մասին՝ բնակիչներին կոչ անելով մնալ տներում։
Ռուսաստանի պաշտպանության նախարարության տվյալներով՝ հուլիսի 4-ի գիշերը հակաօդային պաշտպանության համակարգերը երկրի տարբեր շրջաններում խոցել են ընդհանուր առմամբ 389 ինքնաթիռային տիպի անօդաչու թռչող սարք։
