Ճապոնիան և Ինդոնեզիան համաձայնել են բանակցություններ սկսել ճապոնական «Ասագիրի» դասի ականակիրների հնարավոր արտահանման վերաբերյալ՝ Տոկիոյի կողմից զենքի վաճառքի սահմանափակումների վերացումից հետո։ Այս մասին հայտարարել է Ճապոնիայի պաշտպանության նախարարությունը՝ իր ղեկավար Շինջիրո Կոիզումիի և նրա ինդոնեզացի գործընկեր Շաֆրի Շամսուդդինի միջև բանակցություններից հետո։
«Նախարարները ողջունել են աշխատանքային խմբի շրջանակներում քննարկումների առաջընթացը, որը նրանք համաձայնվել էին ստեղծել մայիսին կայացած իրենց հանդիպման ժամանակ՝ Ճապոնիայի պաշտպանական սարքավորումների և տեխնոլոգիաների փոխանցման վերանայված համակարգի շրջանակներում», - ասվում է հայտարարության մեջ։
Ինդոնեզիայի նախարարը, ինչպես նշվում է հաղորդագրության մեջ, «արտահայտել է պաշտպանական սարքավորումների և տեխնոլոգիաների ոլորտում համագործակցություն իրականացնելու իր մտադրությունը` ներառյալ «Ասագիրի» դասի ականակիրների և այլ սարքավորումների փոխանցումը»։ Ճապոնիան և Ինդոնեզիան արդեն կնքել են համապատասխան համաձայնագիր, որը հիմք է հանդիսանում նման սարքավորումների փոխանցման համար։
