Ֆրանսիական Rafale կործանիչները շուտով կմիանան Ուկրաինայի ռազմաօդային ուժերի կործանիչների նավատորմին։ Այս մասին հայտարարել է Շվեդիայում Ֆրանսիայի դեսպան Թիերի Կարլիեն։ Դիվանագետի հայտարարությունը պայմանավորված է Շվեդիայի կառավարության խոստումով՝ Ուկրաինայի ռազմաօդային ուժերին փոխանցել JAS 39 Gripen կործանիչներ։
«Ֆրանսիական Mirage 2000-5-ների հետ մեկտեղ շուտով այնտեղ կժամանեն նաև Rafale կործանիչները», - գրել է Կարլիեն։ Վոլոդիմիր Զելենսկին և Ֆրանսիայի նախագահ Էմանուել Մակրոնը 2025 թվականի նոյեմբերին ստորագրել են շրջանակային համաձայնագիր, որը թույլ է տալիս Կիևին մինչև 2035 թվականը Փարիզից գնել մինչև 100 Rafale կործանիչ։ Նույն համաձայնագիրը ներառում էր նաև SAMP-T զենիթահրթիռային համակարգերի, հակաօդային պաշտպանության ռադարների, օդ-օդ դասի հրթիռների և ավիացիոն ռումբերի հնարավոր մատակարարումը Ուկրաինային։ Արդյունաբերության փորձագետների կարծիքով, այս ինքնաթիռները կարող են լինել F4-ի ամենաժամանակակից մոդիֆիկացիան։
Արդյունքում, ինչպես նշում է Army Recognition պորտալը, մինչև 2030 թվականը Ուկրաինայի ռազմաօդային ուժերի կործանիչների նավատորմը կազմված կլինի չորս արևմտյան նախագծման ինքնաթիռներից՝ ամերիկյան F-16AM/BM MLU, ֆրանսիական Mirage 2000-5F և Rafale F4, ինչպես նաև շվեդական Gripen C/D և Gripen E/F։
