րագրող
Վերջերս Միացյալ Նահանգներում նկարահանվել է նոր հեռուստաֆիլմ, որի պրոդյուսերը Գոհար Գրիգորյանն է։ Գոհար, ինչպես է կոչվում ֆիլմը, և ինչու ընտրեցիք Միացյալ Նահանգները նկարահանումների համար։
Գոհար
Սովորաբար ես աշխատում եմ USarmeniaTV-ի հետ, և մեր համագործակցությունը միշտ արդյունավետ է ստացվում։ Ինձ դուր է գալիս, որ հեռուստաընկերության տնօրինությունը վստահում է ինձ որպես պրոդյուսերի և ես ինքս եմ ընտրում իմ թիմը: Ստեղծագործող մարդու համար ազատությունը հարմարավետություն է ստեղծում:
Լրագրող
Խոսենք ֆիլմի մասին։ Ինչ ֆիլմ է և ինչի մասին է այն։
Գոհար
Ֆիլմը կոչվում է «Քո սիրուց հետո»: Այն պատմում է հոր և ութամյա դստեր յուրահատուկ սիրո մասին՝ ծնողի անմնացորդ սիրով և երեխայի անկեղծ հավատի։ Լուսեն յոթ տարեկան է, նա կորցրել է մորը և չի համակերպվում մոր կորստի հետ: Ավոն, այն հայերից է, որ անմնացորդ նվիրված է իր ընտանիքին ու երեխայի ցանկացած քմահաճույքը մեծ սիրով է կատարում: Չեմ ուզում բացահայտել շատ մանրամասներ, բայց ֆիլմը լի է էմոցիոնալ տեսարաններով և ամենակարևորը հետաքրքր ու էմոցիոնալ զարգացումներով: Համոզված եմ, որ այն կհուզի հանդիսատեսին, և դիտելիս դժվար է ժպիտը պահել կամ արցունքները զսպել։
Լրագրող
Ով է մարմնավորել գլխավոր դերը։
Գոհար
Ավո Ադամյանը։ Սա մեր չորրորդ համատեղ աշխատանքն է, և նա շատ պրոֆեսիոնալ, պարտաճանաչ և սիրված դերասան է։ Նկարահանող խումբը մեծ հաճույքով է աշխատում նրա հետ, իսկ հանդիսատեսը սիրում է նրան։
Լրագրող
Կան արդյոք նոր նախագծեր։
Գոհար
Միշտ կան։ Նախագծերը շատ են, և մեր փոքր, արդեն թիմավորված կոլեկտիվով մենք դրանք հերթով իրականացնում ենք։ Ներկայումս աշխատում ենք նոր ֆիլմի սցենարի վրա, որը գրում է Անուշ Պետրոսյանը։ Երբ սցենարը պատրաստ լինի, կսկսենք նկարահանումները։
Լրագրող
Ով է լինելու նոր ֆիլմի հերոսը, եթե դա գաղտնիք չէ։
Գոհար
Չծիծաղեք, բայց դերը կրկին վստահվել է Ավո Ադամյանին։ Համագործակցությունը նրա հետ շատ ներդաշնակ է ստացվում։ Հաճելի է, երբ դիմացինդ պրոֆեսիոնալ, ջերմ և բարի անձնավորություն է, ում սիրում են բոլորը և ցանկություն ունեն միասին աշխատել։
Լրագրող
Նկարահանումների ընթացքում եղել են հետաքրքիր դեպքեր։
Գոհար
Իհարկե: Գրեթե ամեն օր լինում էր մի զավեշտալի կամ տպավորիչ դեպք։ Ամենահիշարժանը հերոսուհու հետ աշխատանքն էր։ Հերոսուհին յոթ տարեկան փոքրիկ աղջիկ էր, ով շատ արագ կապվեց Ավոյի հետ։
Վերջին օրը նա լաց էր լինում ու չէր ուզում հրաժեշտ տալ։ Երեխան գրկել էր Ավոյին, ու մի կերպ էր զսպում արցունքները. Մայրը ոչ մի կերպ չէր կարողանում նրան տուն տանել, թեպետ բավականին ուշ էր արդեն: Երեխան սպասում էր, որ Ավոն ևս վերջացնի, որ մի քա նի րոպե ավել մնա նրա հետ: Երբ նկարահանումն ավարտվեց և բոլորս Ավոյին հրաժեշտ տվեցինք, նա առավոտյան պետք է վերադառնար Հայաստան, երեխան վազեց դեպի Ավոն, գրկեց նրան ու հեկեկաց: Ծանր էր բաժանումը, իրոք կապվել էր… ինչպես արդեն ասացի նրան բոլորը սիրում են ու դժվար են հրաժեշտ տալիս, և այդ սերը զգում է նաև հանդիսատեսը:
Լրագրող
Իսկ երբ կցուցադրվի «Քո սիրուց հետո» ֆիլմը։
Գոհար
Ֆիլմը ներկայումս մոնտաժման փուլում է։ Շուտով անոնսը կլինի: Հավանաբար՝ մայիսին կցուցադրվի։
Լրագրող
Իսկ երբ կմեկնարկի նոր ֆիլմի աշխատանքները։
Գոհար
Երբ սցենարը պատրաստ լինի, մենք կսկսենք աշխատել լիովին ողջ տեմպով։
