ԱՄՆ դեմոկրատ սենատոր Ադամ Շիֆը Ֆեյսբուքի իր էջում գրառում է հրապարակել Հայոց ցեղասպանության 111-րդ տարելիցի կապակցությամբ:
«Այսօր աշխարհի հայ համայնքները նշում են 1915-1923 թվականներին Օսմանյան կայսրության կողմից 1.5 միլիոն հայ կանանց, տղամարդկանց և երեխաների համակարգված սպանության և տեղահանության 111-րդ տարելիցը: Ավելի քան մեկ դար անց մենք կրկին հաստատում ենք, որ հայ ժողովրդին ոչնչացնելու նրանց ջանքերը ձախողվել են, և նվիրվում ենք նրանց հիշատակը պահպանելուն:
2019 թվականին ես պատիվ ունեցա հեղինակելու այն բանաձևը, որը պաշտոնապես ճանաչեց Հայոց ցեղասպանությունը, և որն ընդունվեց գրեթե միաձայն երկկուսակցական քվեարկությամբ։ Այս պատմական նվաճումները հնարավոր են դարձել համառ և համախմբված հայ համայնքի ու Սփյուռքի, նրանց տասնամյակների աշխատանքի շնորհիվ։
Ինչպես համոզվեցի այս տարիների ընթացքում, ներկայացնելով շրջանը, իսկ այժմ նաև նահանգը, որն ունի երկրի ամենամեծ հայ բնակչությունը, հայերը շարունակում են մնալ ուժեղ և անսասան: Ես շարունակելու եմ աջակցել հայերին ամբողջ նահանգում և աշխարհում արդարության համար պայքարում»,- գրել է Ադամ Շիֆը։
