Թուրքիայի նախագահ Ռեջեփ Թայիփ Էրդողանը հայտարարել է, որ աշխարհի խորհրդարանները պետք է միավորեն իրենց ջանքերը՝ պաղեստինյան խնդրի երկու պետությունների լուծմանը հնարավորինս շուտ հասնելու համար։
«Ես կոչ եմ անում աշխարհի խորհրդարանականներին միավորել իրենց ուժերը՝ (պաղեստինյան խնդրի) երկու պետությունների լուծմանը հնարավորինս շուտ հասնելու համար։ Սա Պաղեստինում արդար և երկարատև խաղաղության միակ բանաձևն է», – ասել է նա ապրիլի 15-ից 19-ը Ստամբուլում կայանալիք Միջխորհրդարանական միության 152-րդ վեհաժողովի մասնակիցների հետ պաշտոնական ընթրիքի ժամանակ։
