ԱՄՆ-Իրան բանակցությունների նոր փուլի ամսաթիվը, որը, ինչպես սպասվում է, կրկին կանցկացվի Իսլամաբադում, դեռևս նշանակված չէ, «Ալ Ջազիրա»-ին հայտնել է Պակիստանի արտաքին գործերի նախարարության աղբյուրը։ «ԱՄՆ-Իրան բանակցությունների երկրորդ փուլի ժամկետը կամ ամսաթիվը դեռևս որոշված չէ», - ասել է հեռուստաալիքի աղբյուրը։
Նա նաև հաստատել է, որ պակիստանյան կողմը «առաջարկել է ԱՄՆ-Իրան բանակցությունների երկրորդ փուլն անցկացնել Իսլամաբադում»։ Ապրիլի 11-ին Իրանը և ԱՄՆ-ն Իսլամաբադում անցկացրել են մի քանի փուլով բանակցություններ։ Իրանի պատվիրակությունը գլխավորել է խորհրդարանի խոսնակ Մոհամմադ Բաղեր Ղալիբաֆը, իսկ ԱՄՆ պատվիրակությունը՝ փոխնախագահ Ջ.Դ. Վենսը։
Ինչպես ավելի ուշ հայտնել են Թեհրանն ու Վաշինգտոնը, կողմերը չեն կարողացել համաձայնության գալ հակամարտության երկարաժամկետ կարգավորման շուրջ՝ մի շարք տարաձայնությունների պատճառով։
