ԱՄՆ իշխանությունները Իրանի տարածքում խոցված F-15E կործանիչի անձնակազմի երկրորդ անդամին փրկելու գործողության մեջ են տեղակայել էլիտար ռազմական հատուկ նշանակության ուժեր, հաղորդում է CNN-ը։
Delta Force-ը և Navy Seals-ը հարյուրավոր զինվորականների և հետախուզական անձնակազմի թվում էին, որոնք ներգրավված էին ինքնաթիռի նավիգատորի փրկարարական գործողությանը։ Երկտեղանոց F-15E կործանիչը խփվել է Իրանի տարածքում ապրիլի 3-ին։
Axios-ի տվյալներով՝ անձնակազմի երկու անդամներն էլ՝ օդաչուն և նավիգատորը, հաջողությամբ կապ են հաստատել միմյանց հետ՝ ինքնանետվելուց հետո։ Պորտալի աղբյուրները նշել են, որ օդաչուն փրկվել է ինքնաթիռի կործանումից մի քանի ժամ անց։
Որոնողական-փրկարարական գործողության ընթացքում Իրանը խփել է դրան մասնակցող ամերիկյան Black Hawk ուղղաթիռներից մեկը. անձնակազմը վիրավորվել է, բայց ուղղաթիռը կարողացել է փախչել։
