ԱՄՆ նախագահ Դոնալդ Թրամփը հեռախոսազրույցի ընթացքում շնորհակալություն է հայտնել Դաշնային հետախուզության բյուրոյի ( ԴՀԲ) այն գործակալներին, որոնք խուզարկություններ են իրականացրել Ջորջիա նահանգի Ֆուլտոն շրջանում՝ ԱՄՆ 2020 թվականի նախագահական ընտրությունների գործով, հայտնում է ABC News-ը։
Ըստ հեռուստաալիքի՝ այս զրույցը կազմակերպել է ԱՄՆ Ազգային հետախուզության տնօրենի պաշտոնակատար Թուլսի Գաբբարդը։ Թրամփը գործակալներին դիմել է բարձրախոսի միջոցով և ասել, որ նրանք «գերազանց աշխատանք են կատարում» Ջորջիա նահանգում 2020 թվականի ընտրությունների խախտումները հետաքննելու գործում, նշում է ABC News-ը։
Խուզարկությունների ընթացքում ԴՀԲ-ն առգրավել է 700 տուփ ընտրացուցակներ և այլ նյութեր, որոնք կապված են 2020 թվականի ընտրությունների հետ։ Հեռուստաալիքի աղբյուրների համաձայն՝ «ստուգվում է յուրաքանչյուր քվեաթերթիկ՝ խախտումներ գտնելու համար»։
