Կատարը բանակցություններ է վարում Իրանի շուրջ ստեղծված իրավիճակի դիվանագիտական լուծում գտնելու համար, հայտարարել է վարչապետի խորհրդական և էմիրաթների արտաքին գործերի նախարարության պաշտոնական խոսնակ Մաջիդ բին Մոհամմեդ ալ-Անսարին։
«Մենք դեռևս այն փուլում ենք, որ կարծում ենք, որ կարելի է դիվանագիտական լուծում գտնել։ Ահա թե ինչու մենք մասնավոր զրույցներ ենք ունենում տարածաշրջանի բոլոր կողմերի հետ», - ասել է նա լրագրողների համար ճեպազրույցի ժամանակ։
Կատարի իշխանությունները ձեռնարկել են բոլոր անհրաժեշտ նախազգուշական միջոցները՝ Իրանի շուրջ ստեղծված լարված իրավիճակի հետ կապված էմիրության բնակչության անվտանգությունն ապահովելու համար, հայտարարել է Մաջիդ բին Մոհամմեդ ալ-Անսարին։
«Մեր պաշտպանության առումով, ինչպես տարածաշրջանում ցանկացած սրման և ցանկացած հակամարտության դեպքում, կառավարությունը ձեռնարկել է բոլոր հնարավոր նախազգուշական միջոցները՝ ապահովելու համար, որ Կատարի քաղաքացիների և բնակիչների անվտանգությունն ու պաշտպանվածությունը կառավարության բոլոր անդամների համար գերակա խնդիր լինի», - ասել էնա՝ պատասխանելով Վաշինգտոնի և Թեհրանի կողմից փոխադարձ սպառնալիքների լույսի ներքո անվտանգության միջոցառումների վերաբերյալ հարցին։
Այս կապակցությամբ Կատարի արտաքին գործերի նախարարության ներկայացուցիչը նշել է, որ Դոհան մասնակցում է Իրանի շուրջ ստեղծված իրավիճակը կարգավորելու բանակցային գործընթացին։
«Մենք դեռևս այն փուլում ենք, երբ կարծում ենք, որ կարելի է գտնել դիվանագիտական լուծում»։
