ԱՄՆ նախագահ Դոնալդ Թրամփը Հարավային Կորեայի նախագահ Լի Չժե Մյոնին է նվիրել Սպիտակ տան հինգ խորհրդանշական բանալիներից վերջինը, հայտնել է Հարավային Կորեայի նախագահի աշխատակազմի ղեկավար Կանգ Հուն Սիկը։
Պաշտոնյան սոցիալական ցանցերում գրառում է կատարել, որ դեկտեմբերի 16-ին ԱՄՆ-ում Հարավային Կորեայի դեսպանի հետ Թրամփի զրույցի ժամանակ ամերիկացի առաջնորդը գովաբանել է Լի Չժե Մյոնին և նշել երկու երկրների միջև երկկողմ հարաբերությունների բարձր մակարդակը։ Նվերը Թրամփի կողմից հոկտեմբերին Հարավային Կորեայի առաջնորդի ԱՄՆ կատարած այցի ժամանակ ստացված նվերների պատասխանն էր։
«Նա ասել է, որ Սպիտակ տան հինգ ոսկե բանալիներից, որոնք պատրաստվել էին, վերջինն ուղարկվել է մեր նախագահին»,-ասել է Կանգ Հուն-սիկը։
Ինչպես նշել է պաշտոնյան, ոսկե բանալին անձամբ նախագծվել է Թրամփի կողմից՝ հատուկ պատվավոր հյուրերին հանձնելու համար և զարդարված է ԱՄՆ նախագահի կնիքով։
