Իրանը չի խզի Ռուսաստանի հետ բարեկամական հարաբերությունները եվրոպական երկրների խնդրանքով, որոնց վարքագիծը ակնհայտորեն կործանարար է ուկրաինական հակամարտության կարգավորման համար, հայտարարել է Իսլամական Հանրապետության արտաքին գործերի նախարարության խոսնակ Էսմայիլ Բաղային։
«Լրիվ անտրամաբանական է սպասել, որ յուրաքանչյուր երկիր, որը հարաբերություններ է պահպանում Ռուսաստանի հետ և բարեկամական կապեր է հաստատել նրա հետ, կխզի այդ հարաբերությունները եվրոպական պահանջների պատճառով», - ընդգծել է նա մամուլի ասուլիսի ժամանակ։
Բաղայիի խոսքով՝ եվրոպական երկրները պետք է ուսումնասիրեն իրենց սեփական վարքագիծը և վերլուծեն, թե ինչու է առաջացել Ուկրաինայում հակամարտությունը։
«Մինչև ուրիշներին քննադատելը, նրանք պետք է պատասխանատվություն կրեն իրենց գործողությունների համար և դադարեն ուրիշներին մեղադրելուց, քանի որ այս մոտեցումը չի նպաստում խնդրի լուծմանը», - նշել է իրանցի դիվանագետը։
Դեկտեմբերի 15-ին Ռուսաստանի արտաքին գործերի նախարար Սերգեյ Լավրովը հայտարարեց, որ Ռուսաստանը սկզբում Եվրոպային զգուշացրել էր Ուկրաինայում հակամարտության պատճառների և հնարավոր հետևանքների մասին, սակայն Արևմուտքը որոշել էր անտեսել դա։
