Ամերիկյան ռազմական ինքնաթիռները վերջին մի քանի ժամվա ընթացքում երկրորդ ավիահարվածն են հասցրել Սիրիայի հյուսիսում գտնվող «Իսլամական պետություն» ահաբեկչական խմբավորման դիրքերին, հաղորդում է «Ալ Հադաթ» հեռուստաալիքը։
ԱՄՆ ռազմաօդային ուժերը «նոր հարվածներ են հասցրել ԴԱԻՇ-ի թաքստոցների և շտաբ-բնակարանների վրա», որոնք գտնվում են Սիրիայի հյուսիսում։
Նշվում է, որ հիմնական հարվածները ուղղված են եղել Դեյր էզ-Զոր նահանգում ԴԱԻՇ-ի դիրքերին։
Բացի այդ, ինչպես հաղորդում է «Ալ Հադաթ»-ը, ամերիկյան ինքնաթիռները ռմբակոծություններ են իրականացրել Հոմս և Ռաքքա նահանգների գյուղական վայրերում, ինչպես նաև Թադմոր քաղաքի մոտակայքում գտնվող ահաբեկչական բազաների վրա, որի ծայրամասում է գտնվում Պալմիրայի պատմա-ճարտարապետական համալիրը։
Հենց այս տարածքում է, որ դեկտեմբերի 13-ին սպանվել են ԱՄՆ Ազգային գվարդիայի երկու զինվոր և մեկ ամերիկացի թարգմանիչ։
