Ավստրալիայի Սիդնեյի Բոնդի լողափում տեղի ունեցած ահաբեկչական հարձակման զոհերի թվում կան նաև ռուս հայրենակիցներ։ Այս մասին ասվում է Ռուսաստանի արտաքին գործերի նախարարության մամուլի խոսնակ Մարիա Զախարովայի հայտարարության մեջ , որը հրապարակվել է նախարարության կայքում։
«Ինչպես հայտնի է դարձել, ահաբեկչական հարձակման զոհերի թվում, ցավոք, կան նաև Ավստրալիայում մշտապես բնակվող մեր հայրենակիցներ», - հայտարարել է Զախարովան։Նա հավելել է, որ ռուսական կողմը խորը վշտով է ընդունել ահաբեկչական հարձակման լուրը և խստորեն դատապարտում է «ծայրահեղականների բարբարոսական հարձակումը»։
Դեկտեմբերի 14-ին Սիդնեյի Բոնդի լողափում Խանուկայի տոնակատարության ժամանակ երկու տղամարդ կրակ են բացել։ Միջոցառմանը հավաքվել էին հրեական համայնքի մոտ 2000 անդամներ։ Ոստիկանությունը կրակոցները որակել է որպես ահաբեկչական հարձակում։ Ողբերգության հետևանքով զոհվել է 15 մարդ։
