ԱՄՆ նախագահ Դոնալդ Թրամփը վստահություն է հայտնել, որ Ռուսաստանի, ԱՄՆ-ի և Չինաստանի միջև միջուկային զենքի վերահսկողության վերաբերյալ համաձայնագրեր կկնքվեն։
«Կարծում եմ՝ կարող եմ նրանց հետ համաձայնագիր կնքել։ Ես որոշակի ժամանակահատվածում կկնքեմ համաձայնագիր։ Դա պարտադիր չէ, որ այս տարի լինի», - ասել է ԱՄՆ նախագահը Սպիտակ տան Հարավային մարգագետնում լրագրողների հարցերին պատասխանելիս։
Նա հավելել է, որ Ռուսաստանն ու Չինաստանը «շատ կարևոր են»։ Newsmax-ին տված հարցազրույցում, որը հեռարձակվել է հինգշաբթի օրը, Թրամփն ասել է, որ Ռուսաստանի նախագահ Վլադիմիր Պուտինի և Չինաստանի նախագահ Սի Ծինփինի հետ բանակցություններում բարձրացրել է միջուկային զենքի վերահսկողության հարցը։
