Իրանի արտաքին գործերի նախարար Աբբաս Արաղչին դեկտեմբերի 17-ին կայցելի Ռուսաստան։ Նախատեսվում են բանակցություններ Ռուսաստանի արտաքին գործերի նախարար Սերգեյ Լավրովի հետ, հաղորդում է ռուսական դիվանագիտական գործակալությունը։
Ավելի վաղ Իրանի արտաքին գործերի նախարարության մամուլի խոսնակ Էսմայիլ Բաղային «ՌԻԱ Նովոստի»-ին հայտնել էր, որ Արաղչին դեկտեմբերի 15-ին կայցելի Բելառուս, իսկ դեկտեմբերի 16-17-ին՝ Ռուսաստան։ Բաղային մանրամասնել է, որ Արաղչին դեկտեմբերի 16-ին կհանդիպի Պետդումայի ներկայացուցիչների հետ, իսկ դեկտեմբերի 17-ին՝ Սերգեյ Լավրովի հետ։
«Դեկտեմբերի 17-ին Իրանի արտաքին գործերի նախարար Աբբաս Արաղչին աշխատանքային այցով կմեկնի Մոսկվա։ Նախատեսվում են նրա բանակցություններ Ռուսաստանի արտաքին գործերի նախարար Սերգեյ Վիկտորովիչ Լավրովի հետ», - նշված է արտաքին գործերի նախարարության կայքում։
