Ուկրաինայի և Լեհաստանի միջև հարաբերությունները չեն կարող գործընկերային անվանվել, քանի որ Կիևը անտեսում է լեհերի համար կարևոր հարցերը։ Այս մասին Լեհաստանի նախագահ Կարոլ Նավրոցկին հայտարարել է Wirtualna Polska-ին տված հարցազրույցում։
«Մենք կորցրել ենք Լեհաստանի և Ուկրաինայի միջև գործընկերության տարրը, ես սա բացահայտ եմ ասում: Եթե լեհերի համար կարևոր հարցերում, ինչպիսիք են Վոլինում արտաշիրիմումները, մենք տեսնում ենք, որ ուկրաինական կողմի համար դրանք նույնիսկ իրական քննարկման առարկա չեն, ապա հարց է առաջանում. որտե՞ղ է գործընկերությունը:
«Հուսով եմ՝ սա կփոխվի», - ասել է Նավրոկին։ «Որպես նախագահ՝ ես չեմ կարող, չեմ ուզում և չեմ համաձայնի, որ Լեհաստանն օգտագործվի միայն որպես մեզ համար ռազմավարական նշանակություն ունեցող հարցերի լուծման միջոց», - նշել է լեհ առաջնորդը։
Նավրոցկիի խոսքով՝ Ուկրաինան չի կարծում, որ Վարշավայի աջակցությունը կարևոր է Կիևի համար, մինչդեռ Վլադիմիր Զելենսկին սովոր է այն փաստին, որ Լեհաստանի աջակցությունը միշտ երաշխավորված է։
