ԱՄՆ-ի և Ուկրաինայի միջև Բեռլինում բանակցությունները դժվար էին, քանի որ ամերիկյան կողմը չէր ցանկանում փոխզիջման գնալ իր խաղաղության համաձայնագրի նախագծի հարցում, հաղորդում է The Wall Street Journal-ը (WSJ)՝ հղում անելով իր աղբյուրին։
Հրատարակության տվյալներով՝ բանակցությունները տևել են հինգ ժամ և կշարունակվեն երկուշաբթի օրը։ Եվրոպացի և ուկրաինացի պաշտոնյաների խոսքով՝ քննարկվելու են Կիևի անվտանգության երաշխիքները։
Մեծ Բրիտանիան, Ֆրանսիան և «այլ եվրոպական երկրներ» մշակել են մանրամասն ծրագրեր, որոնցում ուրվագծվում է այն օգնությունը, որը նրանք պատրաստ են տրամադրել, այդ թվում՝ զորքերի հնարավոր տեղակայումը: Վաշինգտոնը դեռևս քաղաքական որոշում չի կայացրել այն մասին, թե ինչ օգնություն է պատրաստ տրամադրել, հաղորդում է WSJ-ն:
Կիրակի օրը Բեռլինի Գերմանիայի դաշնային կանցլերությունում տեղի է ունեցել ամերիկյան և ուկրաինական պատվիրակությունների հանդիպումը՝ Ուկրաինայում հակամարտության կարգավորման վերաբերյալ։
