ԱՄՆ նախագահ Դոնալդ Թրամփը հնարավոր է համարել, որ Միացյալ Նահանգները կարող է կրկին հարված հասցնել Իրանին, եթե երկրի ղեկավարությունը համաձայնության չգա Վաշինգտոնի հետ և շարունակի իրականացնել իր հրթիռային ծրագիրը։
Սպիտակ տանը լրագրողների հետ հանդիպման ժամանակ Թրամփը կրկնել է այն տեսությունը, որ Մերձավոր Արևելքի կարգավորումը չէր լինի, եթե ԱՄՆ զինված ուժերը չհարվածեին Ֆորդոյում, Նաթանզում և Սպահանում գտնվող իրանական միջուկային օբյեկտներին։
Թրամփի խոսքով՝ Իրանը «կարող է փորձել» շարունակել իր միջուկային ծրագիրը։ «Նրանց երկար ժամանակ կպահանջվի վերականգնվելու համար, բայց եթե նրանք ցանկանան վերականգնվել առանց մեզ հետ գործարքի, մենք այն նույնպես կոչնչացնենք։
Մենք կարող ենք շատ արագ ոչնչացնել նրանց հրթիռները», – պնդել է ԱՄՆ նախագահը։
