Մեծ Բրիտանիայի արքայազն Հարրին և նրա կինը՝ Մեգան Մարքլը, մեղադրել են պապարացիներին նոր դպրոցում իրենց երեխաներին լրտեսելու մեջ՝ նրանց գործողությունները անվանելով «չափազանց անզգույշ»։
Այս մասին հաղորդել է Sky News-ը՝ հղում անելով ընտանիքի խոսնակին։ Խոսնակը նշել է, որ պապարացիները «շրջել են այն դպրոցի պարագծով», որտեղ սովորում են բրիտանացի արքայազնի երեխաները՝ «նայելով տարածքը և դիտարկելով երեխաներին, երբ նրանք զբաղված էին իրենց գործերով»։ «Որոշ եվրոպացի պապարացիներ չեն ցանկանում հարգել երեխաների անձնական կյանքը դպրոցում», - հավելել է նա։
Արքայազն Հարրին և Մեգան Մարքլը օգոստոսի 26-ին վերադարձել են ապրելու Միացյալ Թագավորություն իրենց յոթամյա որդու՝ Արչիի և հինգամյա դստեր՝ Լիլիբետ Դիանայի հետ։ Հաղորդվել է, որ զույգը որոշել է փոխել իրենց երեխաների դպրոցը՝ անվտանգության նկատառումներից ելնելով։ The Daily Telegraph-ը նաև հաղորդել է, որ պետական անվտանգության բացակայության պատճառով դպրոց գնալ-գալը ռիսկ է ներկայացնում արքայազն Հարրիի երեխաների համար։ Նա նախկինում փորձել է օրինական ճանապարհով վերականգնել իր անվտանգության աշխատակիցներին, բայց պարտվել է։
Նրա երեխաները նոր դպրոց են հաճախում ընդամենը երկու շաբաթ։
